 |
| Diyaarintii Yaasiin Hussein |
uu abwaanku curinayo waxa uu ku soo ban dhigaa gabadha cajabisay dadnimadeeda, dabeecadeeda, akhlaaqdeeda, iyo quruxdeeda oo uu iftiimiyo, sidaa daraadeed abwaan Cartan isaga oo si qoto dheer u faah faahinaya caashaqiisana waxa uu yidhi:-
Milgo loo sameeyiyo haddaan, gabaygu meel haysan
Ama arin marroorsamay ka curan, madaxa hawl gaadha
Ama mawjad godoshaa ku dedin, murugo saamaynleh
Macno malaha midho aad dhistoon, noqonin maahmaahe
Hawraar iyo mushaawiro tixdaan, muhindisee dhaabay
Arartaan maggaabshiyo intaa, gogoldhig aan meershay
Waxa igu muquunshaye ibaday, inaan ka maansoodo
Waa maag jacayl oo I helay, maxamed raadoowe
Il go`ayga muuqdiyo waxaa, madhiyay jiidh kayga
Mudo aan yarayn baan lahaa, yaan lagaa maqale
Maad yaan lagaa dhigan waxaan, ugu xidhaa meelba
Ma holodo e sheekada waxaan, qariyo maandhoowba
Meded waxan I dhaahdiyo waxaan, mala haboow shaaba
Waxa maqane aan tebay waxaan, keli u muudaaba
Wuxu khayre moog yahay wuxuu, mariyo guuleedba
Waxay maray dadkaygii waxay, durrimo moodaanba
Marba oday lur soo maray waxay, maan ka weriyaanba
Wadaad mariya baabkiyo wuxuu, macil baadhaaba
Mid dabiib u sheegiyo waxay, male u waayaanba
Mashaa`iikh I raacdiyo waxay, maag u badiyaanba
Cashar Milan qardhaas iyo waxay, kayn I mariyaanba
Murkii haysan waayoo kalgacal, iga midh roonaaye
Layga maqalye maanta aan furfuro, maaxay gabaygiiye
Ammaan iyo milgooy baan sidaa, heeso maangala e
Maansadii cuslayd iyo baan sidaa, muxubo heeloode
Mawjad aan dhammaan baan faraqi, maarar aan hadhine
Layga maqalye maanta aan furfuro, maaxay gabaygiiye
Afartaa mataanaha is mida, ama maqaamaysan
Midhahaa la qiimeeyay iyo hadalkan maamuusan
Waa maqaal daboolaa ogaal, maqashii hawraare
Moogada tixdaydiyo halkaan, ula muraad yeeshay
Balaan maar ku dhaadhaco ayaan, seegin marinkiiye
Caashaqa mayracay inaad, maqashay lay sheegye
Waa mawd kii boodhari deldelay, melegiyo laayaane
Ana miciyihiisii I sudhay, muruqna ii baanye
Miyi iyo magaalaba warkii, maanta wada gaadhye
Mudo la igu haasaw hadana, la igu maahmaahye
Madashaan imaadaba dartaa, la iga soo maagye
Mudadaan ku naawilay intaan, kuu min tirinaayay
Intaan kuu maleegnaa ragbaa, maydh ka soo degaye
Iga madhay dulqaadkii majiro, madax adaygiiye
Ha marsheen adduunyada sidii, maayad dhool da`aye
Ha mushaaxo reeraha illaa, mooska shiinaha e
Marsadii togdheer iyo nugaal, mudug ha geeyeene
Intuu caashaq soo maray ha mudo, hana mataakheene
Hayga wada macaasheen intii, ila masaalayde
Murti dhaadhigoodiyo illaa, muuse haw tago e
Aday sida maqaarkee haddaan, kuu masalo sheegto
Bal I maqal murtaan kuu alkumay, waana kuu marine
Dhul matacay miisaan cir da`ay, fad iyo dhool muuqda
Miiraale roob iyo sidii, waqal mirtii hooray
Mahiigaan hillaaciyo sidii, heego midabaysay
Marso curatay waagiyo sidii, sagal maraalaystay
Mayay bururay matuuxaal dhexgalay, mulugle guulaamo
Hir magoolay midho kayn kabaxay, malabka hoobaanta
Yabaq madaw geedo aan la marin, midab cagaar doogleh
Mareeg buuxda madal geel ku dhalay, dararta maal reemay
Sidiisaa maguuraan kalgacal, laygu kaa milaye
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Sidii geed mudhbaxay oo dhirtii, qariyay muuqiisu
Manka iyo caleentiyo midhaa, ubaxa miisaamay
Ama midabka laamaha bixiyo, mulacle dheeraaday
Oo mayl ka hirayoo degaan, qaatay magaciisa
Oon marnaba ku daalayn indhaha, milicsadee dhawra
Oon xussuusta maankiyo ka go`in, laabta midab kiisu
Sidiisaa maguuraan kalgacal, laygu kaa milaye
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Dadkoo maangaddeedii hadh galay, maalin dhalanteed leh
Ayaan keligay muudaa cadceed, milic kaliileede
Wado madaw dariiq aan la marin, meelo laga maago
Mahaaligo intaan galay dartaa, moosin laga fiigay
Male keeni maayoo majiro, ruux metelayaaye
Meeraalaysi gaygay nafluhu, iga mushteegeene
Miyir laawe iyo waxay moodayaan, ruux maraan qaba e
Aduun baygu maaxdoon milgooy, mar iga guurayne
Marna kuma hilmaamoo adaa, laygu kaa maraye
Maxayga iyo adigaa mijaha, maalay keligaaye
Maskaxda iyo dareenkaad mirtaa, meelaan joogaba e
Aduun baygu mudanoo wax kale, waan ka maan go`aye
Inaan kuu milliilicay adaa, ii markhaatiya e
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Maadhiinka hablii laga bixin jiray, maahirtiyo geela
Magaynada waxaad tahay hablii, muunada lahaaye
Gayaankayga maalmahan hablaha, muuqaliyo haybta
Adaw mudan gashaantida intaan, marayay reeraaye
Madhaafaan waxaad tahay hablii, magacu saaraaye
Gobtii muuse wayniyo reerihii, muuqday baad tahay
Waxan kugu masaalaa majiro, magan illaahaye
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Nin maal hodo muuq wiil ku gala, mudane hayb raaca
Boqol marin midkood bay hablaha, raggu ku miidhaane
Nin walibana miduu caashaqaa, waw maryama luule
Ana maanta mayaygaygu da`ay, maayadlahan caashaq
Waxa laygu kaa muday haddaan, meel ku sababeeyo
Siduu maalig kuu uumay iyo, moolka dhalan kaaga
Qalin baa la mariyaye ilkaha, dabarku maanseeyay
Marso culan sideedii timaha, maraya duudkaaga
Ereyada macaan iyo codkaad, malabka moodayso
Madaxaad dadbaysiyo wejigaad, marada saarayso
Laafyaha la miisaamay iyo, xayaha kaa muuqda
Marta iyo hagoogtaa I dilay, milicsigoodiiye
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Maalintaan isbaranaan fatahay, muhashadaadiiye
Midabkaaga iyo waxay furfuray, muuqa dhaayaha e
Markii aan maggaabaan waddacay, miin halhays badane
Cilmi kii makalay baygu mudan, maayad qaro wayne
Wuxu ii miciinsaday milgooy, mur iyo daybaaqe
Ma ledoo mannaam iyo hurdaba, wayga maanacaye
Lama maqal iyo wuxu igu furay, lama maleeyaane
Ka laymariyay caashaqa I miray, mahadho weeyaane
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Heesaha macaan iyo milgooy, meeriskiyo luuqda
Muxubayga keentee si fudud, uma miskeedeene
Masalooyin kayguu lulmaa, kay u mariyaane
Midhahayga gayaankii maqlaa, laysu mehershaaye
Maansadaan daraadaa tirshaa, laga mafsuudaaye
Muhda gabayga adaan kuu lisaa, magar cadkiisiiye
Murtidayda adaan kuu dhuraa, ceelka maaxda lehe
Suugaan madiya adaan kuu marshaa, kugu madiigaaye
Marba kaw macaan iyo midkii, lagu murqaan gooyo
Waxan hadalka kuu miirayaa, kaw mullaax badane
Yay masuugin sidaan kuulahaa, madhiyay hawraare
Waxaas oo masaa`ila adaan kuu miskeed sadaye
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e
Waxba yaanan maararooga gabay, sii milgooy wadine
Sidaan ahay mullaaxoo dhashoo ilmii, manta laga ooday
Meehanoowga waxa iigu wacan, muxubadaadiiye
Milicsiga indhihii baa qalbigu, kuu muhanayaaye
Marba aniga oo muudayaan arkaa, meel agtaada ahe
Madawgii habeenka iyo illaa, muuqashada waaga
Madadaalis kaagaan jeclahay, maalin iyo layle
Maalintaanad I maaweelinayn, jeex dhan bay maqane
Marxaba iyo waayahayna aniga, way magdhebi layde
Waxba yay muraaqadu I lalin, muxubo heelloode
Kaama maarmee maalin maan ku heli, maanku haydego e.
No comments:
Post a Comment